Shtatë persona kanë mbetur të lënduar si pasojë e një aksidenti në fshatin Kijevë, në rrugën Pejë-Prishtinë.
Lajmi është bërë i ditur nga zëdhënësi i policisë për rajonin e Gjakovës, Sheremet Elezaj i cili tha se në këtë aksident janë përfshirë tri automjete.
Të lënduarit sipas policisë, janë dërguar për trajtim mjekësor.
Aktualisht gjendja e tyre shëndetësore është jashtë rrezikut për jetë, thuhet nga policia.
“Sot rreth orës 13:10 jemi njoftuar për aksident trafiku në fshatin Kijevë, në rrugën Pejë–Prishtinë. Në aksident janë përfshirë tri automjete, ndërsa, sipas informatave të deritanishme, raportohet se shtatë persona janë dërguar për trajtim mjekësor. Aktualisht gjendja e tyre shëndetësore është jashtë rrezikut për jetë”, ka deklaruar Elezaj për tëvë1.info./teve1.info/
