Pas trajnerit Aleksandar Jonçevski dhe basketbollistëve vendor, skuadra e Vëllaznimit ka angazhuar edhe lojtarin e parë të huaj për sezonin e ri.
Bëhet fjalë për amerikanin Kentrell Pullian, i cili do të jetë pjesë e ekipit nga Gjakova në sezonin 2026/27 të Superligës.
Pullian është i huaji i parë te Vëllaznimi, ekip që pritet së shpejti të kompletohet edhe më të huajt e tjerë, në mënyrë që të fillojë përgatitjet.
Pullian e njeh mirë Superligën e Kosovës pasi sezonin e shkuar ishte pjesë e Rahovecit 029, duke qenë ndër lojtarët kryesor të ekipit që e ndihmoi të mbetet pjesë e elitës.
Me fanelllën e Rahovecit 029, Pullian luajti me një mesatare prej 17 pikë, 5 kërcimeve dhe 6 asistimeve për ndeshje.
Vëllaznimi ka siguruar pjesëmarrjen në Superligë për sezonin e ri me anë të “Wild Card” pasi sezonin e shkuar përfundoi i fundit në tabelë.
