Ish-futbollisti i Real Madridit, Dani Carvajal do ta vazhdojë karrierën në La Liga por te skuadra e Getafes.
Getafe të martën ka zyrtarizuar Carvajalin, i cili është transferuar si lojtar i lirë dhe me ekipin e ri ka firmosur kontratë deri në verën e vitit të ardhshëm.
34-vjeçari ishte pa klub prej datës 30 qershor kur i skadoi kontrata me Realin, ekip për të cilin luajti prej vitit 2022 duke regjistruar 451 paraqitje në të gjitha garat.
Carvajal te Getafe shihet si një përforcim i duhur për mbrojtjen dhe një lider i ekipit, duke u bazuar në përvojën e tij dhe sukseset e mëparshme.
“Me 51 paraqitje për Kombëtaren e Spanjës dhe një karrierë të pasur në futbollin elitar, Carvajal nis një kapitull të ri në karrierën e tij sportive, në jug të Madridit”, ka shkruar Getafe në prezantimin e Carvajalit.
Pas tetë xhirove të zhvilluara deri më tani në La Liga, Getafe ka tubuar po aq pikë dhe zë vendin e 14-të në tabelë.
