Kapiteni i Kombëtares së Kosovës, Vedat Muriqi do ti prijë sulmit të Fenerbahçes në ndeshjen e Ligës së Kampionëve në udhëtim ndaj Aston Villas.
Fenerbahçe, të martën mbrëma luan stadiumin “Villa Park” ndaj ekipit anglez në kuadër të xhiros së dytë të fazës së ligës në Champions.
Trajneri i Fenerbahçes, Ismail Kartal ka vendosur që të startojë me Muriqin duke pasur parasysh lojën fizike të Aston Villas, ekip që drejtohet nga Unai Emery.
Fenerbahçe e ka nisur me barazim sezonin aktual në Champions kurse Aston Villa me fitore, ndërsa Muriqi është lojtari kryesor i ekipit turk me 7 gola e 2 asistime në 11 ndeshje të luajtura në të gjitha garat.
Sa i përket ndeshjeve të mëparshme në garat evropiane, këto dy skuadra janë përballur tri herë me njëra tjetrën dhe Aston Villa i ka fituar të tri duelet.
Fenerbahçe është rikthyer pas një kohet gjatë në Ligën e Kampionëve, garë në të cilën i ka humbur tetë prej dhjetë ndeshjeve të fundit.
