Detaje nga aksioni i Ndërmarrje “Ibër Lepenci” ku u rrënua hoteli në afërsi të Liqenit të Ujmanit
Makineria e rëndë, u kthye të enjten në Ujman.
E cak i këtij ekskavatori të ndërmarrjes “Ibër-Lepenci” ishte hoteli “Jezero”
Kjo pasi i njëjti ishte ndërtuar ilegalisht nga pronari serb në pronën e kësaj ndërmarrjeje publike.
E mjaftuan disa orë, që hoteli pa leje, të rrënohet i tëri.
I gjithë aksioni i zyrtarëve të ndërmarrjes dhe inspektorëve të Ministrisë së Mjedisit, u asistua nga Policia e Kosovës.
Këta të fundit për Tëvë1, njoftuan se gjithçka përfundoi pa asnjë incident.
“Sikurse herëve të kaluara, “Iber Lepenci” sot ka ndërmarrë aksion me rrënua një objekt, restorant këtu. Ne kemi qëndruar në asistim të tyre dhe gjithçka ka qenë në rregull”, tha zyrtari policor Erduan Baliqi.
Fatin e këtij hoteli, ditë më parë e kishin edhe disa objekte të tjera përreth liqenit të Ujmanit.
Numrin e tyre, e bëri të ditur të enjten ministrja në detyrë e Mjedisit dhe Planifikimit Hapësinor.
“Vazhdon rrënimi i objekteve të ndërtuara pa leje në pronat publike në Ujman.Deri tash janë rrënuar 17 objekte/villa përreth Liqenit të Ujmanit. Ky aksion do të vazhdojë pa kompromis dhe do të shtrihet edhe në pjesë të tjera të Kosovës, me qëllim të mbrojtjes së pronës publike dhe zbatimit të ligjit”, bwri tw ditur ministrja nw detyrw, Fitore Pacolli.
Ndryshe, aksioni për lirimin e hapësirave të “Ibër-Lepencit” nisi me 21 korrik.
