Shtëpia iu mbeti e pa banueshme për më shumë se një vit.
E gjendja e saj, të martën aktivizoi organet e rendit.
Në mesditë, këtu u panë ekipet nga Policia e Kosovës dhe Komuna e Prishtinës.
Kjo meqë këta të fundit dhanë urdhër për rrënimin e shtëpisë së familjes Maxhuni.
Por, kundër kësaj, foli kryefamiljari, Faruk Maxhuni.
Ky i fundit, refuzoi të dilte nga shtëpia, për ta lejuar shembjen e saj.
“Thuj Përparim Ramës të ma paguan dëmin edhe unë dal prej shtëpie si nuk dal e jo me ardh me ma rrënu shtëpinë që kam rrënu që 30 vite”, ka thënë Maxhuni.
Sipas familjes Maxhuni, shtëpia deri në këtë gjendje, erdhi pas punimeve në rrugën “A”.
Investimin prej tri dekadash, Faruku zgjodhi ta mbrojë përkundër rrezikut.
Kjo situatë, alarmoi familjarët.
“Kqyr bagerin ku e keni pru atje tek rrethi… Shqipja : O Faruk pash Zotin e madh….Unë jam në shpi temin. Ju me keni bërë dëm komuna, jo une. Faruk dil poshtë edhe nuk mundet me hi bageri prej poshti”, ka thënë tutje Maxhuni.
Që jeta e kryefamiljarit të mos rrezikohej ekipe e komunës e të policisë vendosën të largohen.
Kjo bëri që edhe Faruku të dal nga shtëpia.
Familjarët thonë se kërkesa e tyre është që shtëpia të vlerësohet, meqenëse sipas tyre komuna ka vendosur të mos kompensoj gjë nga dëmi i shkaktuar.
“Nuk kemi ku shkojmë, ne kemi mbet rrugëve më qira nuk kemi ku shkojmë as unë as bashkëshorit as fëmijët e mijë. Veç kompensua meqenëse dëmi ka ardhur prej tyre dhe kompensimeve duhet me ardh prej tyre”, u shpreh Berisha Maxhuni.
E për këtë shtëpi mbi 500 metra, familja Maxhuni thonë se kanë investuar mbi 500 milionë euro.
“Gjatë gjithë jetës që kam punuar dhe kam investuar këtu mbi gjysmë milioni euro, nuk po tham tani por në atë kur është bërë. Ata çdo ditë kur prononcohen thojnë që është tokë komune, unë kam luftuar prej vitit 2003 mu kanë shëtit dokumentacionet nëpër komunë nuk ka marrë masa kërrkush. Në vitin 2022 me pat kthy një përgjigjë që është në pritje, por pavarësisht asaj që është në pritje është tjetëresu toka në vitin 2024”, u shpreh tutje Berisha Manxhuni.
E pas më shumë se një orë ekipe e policisë së bashku më inspektorë komunale u kthyen sërish.
Pasi kërkuan përforcime, këtu erdhën edhe zjarrfikësit.
Krejt në fund, policia arriti ta bind Farukun të largohet nga shtëpia.
Ndërsa ky i fundit u shoqërua në stacionin policor për deklarim.
Për krejt këtë situatë, Tëvë1 ka provuar të marrë edhe një qëndrim nga Komuna e Prishtinës.
Por këta të fundit, të martën nuk kanë kthyer përgjigje.
Ndryshe të premten, tëvë 1 kishte raportuar ekskluzivisht për këtë rast.
