Shiu dhe erërat e forta kanë shkaktuar shumë dëme në vendin tonë.
Kështu ndodhi edhe në Mitrovicë, ku është dëmtuar sot fusha e klubit FC Mitrovica e cila do të bëjë garat në Ligën e Parë.
“Erërat e forta që përfshinë Mitrovicën kanë shkaktuar dëme të mëdha në fushën sportive të FC Mitrovica, duke vështirësuar zhvillimin normal të stërvitjeve dhe aktiviteteve të klubit”, shkruhet në njoftimin e klubit.
Klubi e ka bërë edhe një apel.
“Si klub, u bëjmë thirrje institucioneve përgjegjëse dhe sponsorëve të mundshme që të na dalin në ndihmë për sanimin sa më të shpejtë të dëmeve, në mënyrë që fëmijët dhe futbollistët tanë të vazhdojnë stërvitjet në kushte të sigurta dhe normale”, njofton FC Mitrovica.
