Mëngjesin e së mërkurës erdhi në Prishtinë nga Obiliqi.
Kjo meqë kryetari i kësaj komune, Halil Thaçi, mori një ftesë për intervistim nga Prokuroria Speciale e Republikës së Kosovës.
E më të përfunduar intervistimin, Thaçi doli nga objekti i PSRK-së.
Para gazetarëve tha se e gjithë kjo, i erdhi nga rivalet politikë.
“Është një temë e përgatitur moti nga rivalët e mi politik, më kanë përfshi në shpronësimet në fshatin Shipitullë, jam i kënaqur që prokuroria ka filluar të merret me këtë çështje, dhe i bëj thirrje që ta hetojë deri në fund. Është e vërtetë që unë kam biseduar me qytetarë, vazhdoj të bisedoj, të ngreh çështjen e tyre”, ka thënë Thaçi.
Vet Thaçi, tha se intervisitmi i tij u bë në cilësinë e dëshmitarit
“Banorët e fshatit Shipitullë dhe Hade, janë të diskriminuar dhe sigurisht që gjendja e tyre për jetë është e pamundshme atje. Andaj unë edhe sa kam qenë në kuvend dhe sot në cilësinë e kryetarit nga këtu i bëj thirrje qytetarëve se do më kenë gjithmonë gardian për mbrojtjen e te drejtaveSi dëshmitar më pyetën për çdo gjë dhe unë për çkado që unë di, do t’i përgjigjem prokurorit”, ka thënë tutje Thaçi.
Por ndryshe nga Thaçi, deklaroi Prokuroria Speciale e Republikës së Kosovës.
Këta thanë se i pari i Obiliqit, u ftua për invervistim në cilësin e të pandehurit.
“Mund të konfirmojmë se H.Th., është intervistuar nga Prokuroria Speciale në cilësinë e të pandehurit, në kuadër të procedurave hetimore që kjo prokurori është duke i zhvilluar në një rast që ka të bëjë me shpronësimet në fshatin Shipitullë, nën dyshimin për kryerjen e veprës penale “Ushtrim ndikimi’”, tha ajo”, ka thënë Luta.
Ndryshe, për shpronësimet në fshatin Shipitullë banorët kanë organizuar disa herë protesta.
Krejt kjo për shkak të vonesave dhe, sipas tyre, diskriminimit në procesin e shpronësimit të pronave të tyre për nevoja të KEK-ut.
