Për krimet qe ndodhën para 27 viteve erdhën edhe njëherë ne Gjykatë.
E me vete morën edhe dëshmitë e tyre. (pamje të fotografive).
Janë këta dëshmitarët te cilët mëngjesin e së martës udhëtuan nga Istogu në Prishtinë, për të marrë pjesë në seancën ndaj Ekrem Bajroviq, i cili akuzohet për krime të luftës.
Para gjykatësve , Naim Elshani ri-dëshmoi për tmerrin që pa gjatë majit të vitit 1999.
“Mu më kanë goditur më mjetë të rënda , shipka, stupca të drunit i kam parë, patikat kur i kam marrë mua më kanë ra me kallash në shpinë, nuk e di se kush ka qenë…Pyetje nga gjykatësi: Në mesin e këtyre a ka qenë Ekremi aty?. Ekremi ka qenë më andej me në qosh ka qenë, i uniformuar me armë të gjatë”, u shpreh Elshani.
Maltretimet e krimet që forcat serbe bënë ndaj popullatës shqiptare Elshani i përshkroi si të tmerrshme.
“Unë dikur jam pi nuk kam dëgjuar dhimbët, kur e kanë futur njërin në zjarr, se ajo shtëpi ka qenë më llapari, dmth flakët kanë qenë shumë të mëdhaja, nuk e di kush ka qenë ai njeri që e futën në zjarr”, theksoj tutje Elshani.
E gjatë dëshmisë, prokurori special kishte një kërkesë.
“E lus gjykatën që mos ta lejojë dëshmitarin që të lëshohet edhe një herë në detaje të gjata për shkak që ka traum të përjetuar nga luftën në secilin rast dyshimtari për shkak të afektimit të memories mundet me shtu apo me hek diçka”, ka thënë Morina.
E Elshani para trupit gjykues tregoi momentin në të cili ai mendoi se ishte fundi i jetës së tij.
“Unë ndalem dhe them se mbaroj jeta ime, mu ka drejtu më ka thënë mbështet në të majtë për muri, unë jam kthyer edhe një herë prapa i kam parë ata dy ushtarët, tani më kujtohet ajo arma pushko metrolez, kalikotor, dyerbia, vetëm hynë plumbi unë në ato momente kamë thënë o Zoti im të lutem nëse ka Zot mem ndihmu, por nëse ka thënë Zot me vdek amin dhe gjitha këto i kam thënë në heshtje”, ka përfunduar Elshani.
Kjo seancë u mbyll me të përfunduar dëshminë Elshani, kurse me datën 3 korrik do të shpallet aktgjykimi për Ekrem Bajroviq.
Ndryshe, në korrik të vitit 2024, Bajroviq ishte dënuar nga Gjykata në Prishtinë me 12 vite burgim për “krime lufte ndaj popullsisë civile në Kosovë, mirëpo Apeli e ktheu lëndën në rigjykim.
