Sipas informacioneve, një grup lojtarësh të udhëhequr nga ylli i Real Madridit, Federico Valverde, Manuel Ugarte i Manchester United dhe Rodrigo Bentancur i Tottenham u rebeluan kundër selektorit Bielsa.
Lojtarët thuhet se e kanë thirrur Bielsën në një takim dhe kanë kërkuar një ndryshim në qasje dhe stil loje për ndeshjen vendimtare kundër Spanjës, duke shprehur pakënaqëso me intensitetin e stërvitjeve, pasi besojnë se është shkaku i lëndimeve, dhe duan që skuadra të vendoset në një bllok të ulët kundër Spanjës dhe të kërkojë mundësi në kundërsulm.
Bielsa u përgjigj duke thirrur një takim të të gjithë ekipit, ku njoftoi se ata planifikonin të kopjonin formacionin e spanjollëve dhe për gati një orë, selektori mbrojti metodat e tij në takimin me futbollistët.
Tekniku argjentinas akuzoi lojtarët se po përpiqen ta shkarkojnë pasi ka lënë jashtë ekipit kombëtar legjendarin Luis Suarez dhe nuk e ftoi në Kupën e Botës mesfushorin e Al-Qadsiah, Nahitan Nandez, i cili ka 70 paraqitje për Uruguain.
E gjithë situata mori peshë shtesë pasi, thuhet se një nga drejtorët e Federatës së Futbollit të Uruguait ka pranuar se Bielsa do të largohet nga stoli “në më pak se një muaj”.
