Në njoftimin e tyre bëhet e ditur se forcat ruse po vazhdojnë të konsolidojnë kontrollin mbi Lysychansk e Luhansk Oblast.
“Në veri, Rusia ka angazhuar shumicën e njësive të mbetura nga grupet lindore të forcave. Gjatë javës së fundit, forcat ruse kanë avancuar deri në 5 kilometra të tjera poshtë rrugës kryesore nga Iziumi, përballë rezistencës jashtëzakonisht të vendosur ukrainase. Forcat ruse tani janë rreth 16 kilometra në veri të qytetit Sloviansk”, thuhet në njoftimin britanik.
Të mërkurën (6 korrik) u shënua dita e 133-të e pushtimit rus në Ukrainë.
