Në 27-vjetorin e Ditës së Çlirimit të Kosovës, kryetari i Partisë Demokratike të Kosovës, Bedri Hamza, ka deklaruar se Kosova e lirë është krenaria e të gjithëve.
Përmes një postimi në Facebook, Hamza ka nderuar dëshmorët, martirët, invalidët dhe veteranët e Ushtrisë Çlirimtare të Kosovës, të cilët, sipas tij, sakrifikuan gjithçka për atdheun.
“Disa ranë për Kosovën, disa jetuan për të, por të gjithë janë pjesë e kujtesës sonë”, ka shkruar ai.
Hamza ka theksuar se Kosova u çlirua përmes një lufte të drejtë dhe se kjo e vërtetë, nga lufta për liri deri te proceset gjyqësore në Hagë, do të mbetet e pandryshuar.
“Liri për të gjithë çlirimtarët! Gëzuar Ditën e Çlirimit, Kosovë”, ka përfunduar Hamza./teve1.info/
