Liga e Parë e Kosovës në futboll, do të vazhdojë me xhiron e nëntë, në të cilën do të ketë ndeshje interesante.
Nëntë ndeshje në total, do të zhvillohen përgjatë këtij vikendi në kuadër të kësaj xhiroje.
Megjithatë, vëmendja do të jetë në Prizren, ku në stadiumin “Përparim Thaçi”, skuadra e Lirisë përballet me Dinamon prej orës 14:00.
Dinamo nga Ferizaj prinë në tabelë me 18 pikë, dy më shumë se Liria që renditet e dyta dhe kjo ndeshje vlerësohet si derbi i kësaj xhiroje në ligën e parë.
Nën hijen e këtij derbi, të dielën në të njëjtën kohë, do të luhen edhe pesë duele tjera, ku takohen: Vjosa – 2 Korriku, Trepça ’89 – Ramiz Sadiku, Ferizaj – Mitrovica, Besa – Kika dhe Prishtina e Re – Trepça.
Ndërkohë, xhiro nis të shtunën me tri përballje që nisin nga ora 14:00, ku takohen Tefik Çanga – Rilindja 1974, Suhareka – Lepenci dhe Istogu – Vëllaznimi.
