Në kuadër të ngritjes dhe avancimit të kapaciteteve operacionale të Forca e Sigurisë së Kosovës ka realizuar ushtrimin fushor validues “Ujku i Pamposhtur 01”.
Në këtë aktivitet morën pjesë Komanda e Forcave Tokësore, struktura të kombinuara si togu i IVR-së, Kompania Mbështetëse e RML-së, togje të Komandës së Logjistikës dhe Policia Ushtarake.
Ushtrimi u zhvillua në zonat e Aeroportit të Gjakovës dhe Babaj të Bokës, me qëllim të validimit të aftësive operacionale, rritjes së gatishmërisë luftarake dhe forcimit të koordinimit ndërmjet njësive pjesëmarrëse.
Sipas njoftimit zyrtar të FSK-së, aktiviteti synon gjithashtu zhvillimin e mëtejshëm të kapaciteteve profesionale të njësive, në përputhje me standardet më të larta të veprimit ushtarak dhe detyrave operacionale.
Ushtrimi konsiderohet pjesë e përgatitjeve të rregullta të forcës për përmbushjen e misionit të saj dhe rritjen e efikasitetit në operacione të ndryshme./teve1.info/
