Mbrojtësi i Kombëtares së Kosovës, Lumbardh Dellova pritet që karrierën ta vazhdojë në Ukrainë, kanë raportuar mediumet bullgare.
Dellova sipas të gjitha gjasave do të largohet këtë verë nga CSKA Sofja për t’u transferuar te gjiganti ukrainas, Dynamo Kiev.
Madje, thuhet se Dellova pothuajse ka arritur marrëveshje në parim me Dynamo Kievin, ekip që veçse ka njoftuar CSKA Sofjen për bisedimet me Dellovën.
Dellova është njëri prej lojtarëve kyç te CSKA Sofja, ekip të cilit iu bashkua në vitin 2024 dhe ka kontratë valide deri në vitin e ardhshëm.
Në total, Dellova ka regjistruar 69 ndeshje me fanellën e ekipit bullgar, ku ka shënuar 4 gola dhe ka bërë 2 asistime.
Më herët, interesim për Dellovën patën shfaqur edhe ekipet nga Arabia Saudite, Turqia e Rusia por duket se mbrojtësi 27-vjeçar do ti bashkohet Dynamo Kievit.
