Granit Xhaka e Ardon Jashari janë ftuar nga selektori i Zvicrës, Murat Yakin për Botërorin e këtij viti që mbahet në SHBA, Meksikë e Kanada.
Yakin, të mërkurën ka zbuluar listën e lojtarëve për këtë ngjarje të rëndësishme që nis muajin e ardhshëm.
Në listën e publikuar nga selektori, Yakin janë të ftuar 18 lojtarë, përfshirë këtu edhe mesfushorët shqiptarë, Xhakën e Jasharin.
Zvicrën si kapiten do ta udhëheqë Xhaka, i cili do të paraqitet në Botërorin e tij të katërt në karrierë, duke barazuar rekordin që mbajnë Xherdan Shaqiri e Valon Behrami, të cilët janë të vetmit që kanë përfaqësuarZvicrën në katër Kupa të Botës.
Xhaka këtë sezon ka shkëlqyer edhe në Premier League si kapiten i Sunderlandit, ndërsa një gjë e tillë nuk mund të thuhet edhe për Jasharin që është pjesë e skuadrës së Milanit.
Zvicra do të grumbullohet më datën 25 maj për kampin stërvitor para Botërorit, ndërsa do t’i luajë edhe dy miqësore, me Jordaninë më datën 31 maj dhe Australinë më datën 6 qershor.
Në Botërorin 2026, Zvicra do të paraqitet në Grupin B, të cilin e përbëjnë edhe Kanadaja, Bosnjë e Hercegovina dhe Katari.
Kupa e Botës nis më datën 11 qershor dhe do të mbyllet më datën 19 korrik.
