Kryetari i Deçanit, Bashkim Ramosaj, deputeti Daut Haradinaj dhe zyrtarë të tjerë nga Komuna e Deçanit së bashku me organizatat e dala nga lufta si dhe nxënës të shkollave të ndryshme kanë bërë homazhe para lapidarëve të dëshmorëve të Deçanit, duke shënuar kështu 5 majin, Ditën e Dëshmorëve.
Të pranishmit bënë homazhe para lapidarëve të dëshmorëve Mentor Tolaj; Salih Çekaj, Begë Rizaj e Luan Haradinaj, Nagip Cacaj, Hime Z. Mushkolaj, Isa L. Kuçi, Valdet Kuçi dhe Valdet Gogaj.
Ata vazhuan homazhet edhe para fotografive të personave të zhdukur gjatë luftës së fundit në Kosovë.
Homazhet vazhdojnë edhe te Kompleksi Memorial “Dëshmorët e Kombit” në Gllogjan.
Gjatë ditës do të ketë homazhe edhe më fshatra të tjera të Komunës së Deçanit.
