Basketbollisti i Trepçës, Drilon Hajrizi, ka reaguar përmes një shkrimi pasi klubi i basketbollit Peja e akuzoi se ka fyer bankën dhe skuadrën pejane.
Hajrizi ka shkruar se nuk ka sharë. Ka shtuar se e ka “ofenduar në shenjë revolte njërin prej orkestruesve të sharjeve në kor ndaj meje në Pejë, por assesi lojtarët e aq më pak klubin”.
“Kontributi im për KB Pejën është i madh. Atë e dijnë tifozët e vjetër, Shqiponjat e vërteta. Këta që janë vërsulur ndaj meje, duan që kështu të zhvendosin vëmendjen dhe të fshehin palarat e tyre. Në vend se të merreni me këto marrina ma ktheni borxhin prej 15 mijë eurove. Ja sharjet e orkestruara në kor ndaj meje. Paramendoni, ndaj njeriut që dha aq shumë për klubin e KB Pejës!”, ka shkruar Hajrizi.
Hajrizi postimit ia ka bashkuar dy video ku dëgjohen sharje në baza familjare, në kor të shikuesve pejanë, ndaj tij.
