Shefja e Grupit Parlamentar të Lëvizjes Vetëvendosje, Arbërie Nagavaci ka thënë se ende nuk kanë pranuar propozime zyrtare dhe konkrete për presidentin nga PDK e LDK.
Ajo ka thënë se mbesin në pritje të këtyre propozimeve dhe i ka ftuar PDK-në e LDK-në të kontribuojnë në zgjidhjen e çështjes së presidentit.
“Përtej deklaratave në media e rrjete sociale nga PDK e LDK, deri më tani, ne nuk kemi pranuar zyrtarisht asnjë propozim konkret karshi ofertës sonë për t’i dhënë vendit një president konsensual e unifikues. Për shkak të peshës së situatës dhe rëndësisë së afateve, ne mbesim në pritje të propozimeve konkrete edhe sonte, dhe i ftojmë edhe njëherë PDK-në e LDK-në që të kontribuojnë në tejkalimin e situatës me propozimin e 3 emrave, dhe t’i vënë në dispozicion nënshkrimet e të gjithë deputetëve të tyre dhe t’i japim fund krizës dhe t’i ofrojmë qytetarëve stabilitetin institucional që vendi e meriton”, ka shkruar ajo.
Lëvizja Vetëvendosjes të shtunën u ka bërë thirrje PDK-së e LDK-së të propozojnë tre emra për presidentin që sipas kësaj partie ata duhet të jenë figura unifikuese jashtë skenës politike, me integritet e kontribut të dëshmuar.
Ky propozim është refuzuar nga PDK-ja.
Kryetari i Partisë Demokratike të Kosovës, Bedri Hamza, ka bërë të qartë se PDK-ja nuk do të propozojë emra për postin e presidentit, pas ofertës së fundit nga Lëvizja Vetëvendosje që partitë opozitare të dalin me tre kandidatë të përbashkët.
Ndërsa, kryetari i LDK-së, Lumir Abdixhiku ka thënë se Kurti dhe LVV duhet të tregojnë nëse duan bashkëpunim me këtë parti.
Ai ka thënë se nëse një gjë e tillë ekziston, kjo parti do të propozojë kandidatin e saj duke mos përjashtuar edhe Vjosa Osmanin nëse LVV ia siguron 66 vota.
28 prilli është afati i fundit për zgjedhjen e presidentit./teve1.info/
Kurti: Ne jemi tërhequr nga propozimet, po i presim tre emra nga PDK-ja e LDK-ja
