Shefi i Grupit Parlamentar të Aleanca për Ardhmërinë e Kosovës, Besnik Tahiri, ka kritikuar qeverinë për vendimin që paga e 13-të të aplikohet vetëm për sektorin publik.
Para nisjes së seancës së Kuvendit, Tahiri deklaroi se kjo masë buron nga zotimet paraelektorale dhe nuk ka si qëllim të zbusë varfërinë apo të ulë pabarazinë.
Ai theksoi se rroga e 13-të për 80 mijë punonjës të sektorit publik është një veprim me motive elektorale dhe nuk adreson nevojat reale të punëtorëve.
Tahiri kërkoi që qeveria të ndërmarrë urgjentisht veprime për mbështetjen e sektorit privat, duke përfshirë punëtorët në ndërtimtari, supermarket dhe industri të tjera.
“Kjo rrogë mua as nuk më varfëron e as nuk më pasuron më shumë. Qeveria e Kosovës urgjentisht duhet të marrë veprime për punëtorët që janë në sektorin privat. Duhet të tregojnë se çka bëjnë për gratë dhe burrat që sot janë të mërzitur dhe urrejnë secilin prej njerëzve që po marrin rrogë pa meritë, rrogë të 13-të pa bë sen, a e kemi lypë? Jo, është zotim zgjedhor elektoral”, tha Tahiri. /teve1.info/
