Dy futbollistë shqiptarë, kanë zënë vend në 11-shen më të mirë të xhiros në Serie A të Italisë, të përzgjedhur nga faqja e specializuar “SofaScore”.
Portieri i Kosovës, Arijanet Muriq dhe mbrojtësi i Shqipërisë, Berat Gjimshiti janë përfshirë në formacionin e xhiros së 30-të në elitën e futbollit italian.
Si Muriq ashtu edhe Gjimshiti, patën paraqitje fantastike te Sassuolo, përkatësisht Atalanta, skuadra që morën rezultate pozitive në xhiron e fundit.
Muriq është vlerësuar me notën 8.7 për barazimin 1:1 të Sassuolos në udhëtim te Juventusi, pasi është shpallur lojtari i ndeshjes dhe priti penalltinë në minutat e fundit të ndeshjes për ti siguruar një pikë ekipit të tij.
Ndërkohë, Gjimshiti ka marrë notën 8 për paraqitjen në fitoren e Atalantas, ekip që triumfoi 1:0 në shtëpi kundër skuadrës së Veronës.
