Skuadra e Arsenalit ka qenë mjaft e zënë në këtë afat të transferimeve, duke qenë objekt i diskutimit në lidhje me shumë futbollistë.
Gunners fillimisht kanë transferuar talentin Brazilian Marquinhos nga klubi i Sao Paolos, për të zyrtarizuar ditë më pas edhe mesfushorin Fabio Vieira nga Porto, për një shumë prej 35 milionë eurosh.
Megjithatë, ekipi nga veriu i Londrës janë ende të etur për të forcuar skuadrën dhe për të sjellur konkurrencë brenda saj.
Ata në janar ndërprenë bashkëpunimin me Aubameyang i cili u largua drejt Barcelonës dhe së fundmi me Alexandre Lacazette, dy lojtarë që kishin qenë shtylla e sulmit të Arsenalit viteve të fundit.
Pas largimit të këtyre dyve, Arteta në atë pozitë mbeti vetëm me anglezin Nketiah, por menjëherë është hedhur në sulm.
Topçinjtë kanë arritur marrëveshje me Manchester Cityn për transferimin e sulmuesit Gabriel Jesus, pasi këta të fundit kanë transferuar Erling Haaland nga Borussia Dortmund.
Drejtori sportiv, Edu duket dëshiron ta finalizojë këtë marrëveshje gjatë vikendit dhe sulmuesi mund të prezantohet si lojtar i Arsenalit javën që vjen.
Përveç Jesus, londinezët po shtyejnë përpara edhe bisedimet me futbollistë si Raphinha i Leeds, Tielemans i Leicester mbrojtësin Martinez të Ajax.
