Të paktën 30,000 persona të zhvendosur kanë kërkuar mbrojtje në strehimore në Liban që kur filluan armiqësitë midis Izraelit dhe Hezbollahut të hënën, thotë UNHCR.
“Shumë të tjerë flinin në makinat e tyre në anë të rrugëve ose ishin ende të bllokuar në trafik”, tha zëdhënësi i UNHCR-së, Babar Baloch, citon Al Jazeera.
Ushtria izraelite lëshoi urdhra të rinj evakuimi më herët të martëen për dhjetëra vende në Liban të martën, duke përfshirë një paralajmërim për banorët në dy lagje jugore të Bejrutit që të qëndrojnë larg disa ndërtesave përpara një veprimi të afërt ushtarak, raporton AFP.
“Një paralajmërim urgjent për banorët e Libanit, veçanërisht në fshatrat emrat e të cilëve janë shfaqur. Për sigurinë tuaj, duhet të evakuoni menjëherë shtëpitë tuaja”, thuhet në një deklaratë të zëdhënësit të ushtrisë në gjuhën arabe, Avichay Adraee , në Telegram, e cila renditi 50 vendndodhje.
Izraeli ka filluar ofensivën e tij ushtarake në Liban, pasi bombardoi Bejrutin të hënën, duke lënë të vrarë të paktën 31 persona dhe dhjetëra të tjerë ta plagosur.
Kurse, ushtria izraelite deklaroi të martën se forcat e saj kanë nisur një inkursion tokësor në Libanin jugor me qëllim krijimin e një “zone sigurie”, dhe se trupat e saj janë të pozicionuara në “pika strategjike”
