Agjencia e lajmeve Mizan, duke cituar zyrën e prokurorit të Minabit, ka raportuar se numri i viktimave në shkollën fillore të vajzave Shajareh Tayyebeh në Minab të Iranit , është rritur në 108, pas sulmit izraelit në Iranin jugor.
Raportet e mediave iraniane, duke cituar Gjysmëhënën e Kuqe, kanë thënë se të paktën 201 persona janë vrarë në 24 provinca të Iranit.
Shtetet e Bashkuara dhe Izraeli filluan sulme të përbashkëta ndaj Iranit të shtunën.
Irani është hakmarrë, duke synuar Izraelin dhe asetet amerikane në disa vende të Lindjes së Mesme, përfshirë Katarin, Emiratet e Bashkuara Arabe, Kuvajtin, Bahreinin, Jordaninë, Arabinë Saudite dhe Irakun.
Disa vende në rajon kanë mbyllur hapësirën e tyre ajrore për shkak të shkëmbimit të sulmeve.
