KRU “Prishtina” ka njoftuar se furnizimi me ujë në Fushë – Kosovë dhe Obiliq pritet të rikthehet nga ora17:00.
Sipas njoftimit furnizimi në fillim mund të jetë me presion të ulët.
“Ju njoftojmë se në impiantin e trajtimit të ujit në SHKABAJ ka filluar procesi i trajtimit, por aktualisht po zhvillohet me kapacitet minimal për shkak të rrethanave teknike. Ekipet përkatëse janë duke punuar në mënyrë intensive për stabilizimin e plotë të sistemit dhe rikthimin e furnizimit normal me ujë të pijshëm. Sipas informatave të fundit, pritet që nga ora 17:00 të fillojë rifurnizimi gradual me ujë për konsumatorët në zonat e Fushë Kosovës dhe Obiliqit. Fillimisht furnizimi mund të jetë me presion më të ulët, derisa sistemi të stabilizohet plotësisht”, thuhet në njoftim.
https://www.facebook.com/share/p/1MxLPk21Lm/
