Zyrtarët policorë të Njësitit për Realizimin e Urdhëresave të Stacionit Policor Prizren, të enjten, pas veprimeve operative-hetimore dhe zbatimit të një plani taktiko-operativ, kanë arritur të lokalizojnë dhe arrestojnë të dyshuarin E.Q., nga Prizreni.
Sipas njoftimit zyrtar të Policisë, i dyshuari ishte në kërkim, pasi ishte i dënuar me vendim të plotfuqishëm të Gjykatës Themelore të Prizrenit me burgim efektiv.
E.Q. është dënuar me dy vite burg për veprën penale “blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.
