Komisioni Evropian ka nisur një hetim ndaj aplikacionit X të Elon Musk mbi prodhimin e imazheve me përmbajtje seksuale eksplicite dhe përhapjen e materialeve të mundshme të abuzimit seksual me fëmijë nga chatbot-i i inteligjencës artificiale i platformës, Grok.
Hetimi formal, i nisur të hënën, zgjeron gjithashtu një hetim mbi sistemet e rekomandimit të X, algoritmet që i ndihmojnë përdoruesit të zbulojnë përmbajtje të re.
Grok ka shkaktuar zemërim ndërkombëtar duke u lejuar përdoruesve të zhveshin në mënyrë dixhitale gratë dhe fëmijët dhe t’i vendosin ata në poza provokuese. Grok AI gjeneroi rreth 3 milionë imazhe të seksualizuara në më pak se dy javë , duke përfshirë 23,000 që dukeshin se përshkruanin fëmijë, sipas studiuesve në Qendrën për Kundërshtimin e Urrejtjes Dixhitale.
Komisioni tha se hetimi i tij do të “vlerësojë nëse kompania i ka vlerësuar dhe zbutur siç duhet rreziqet” që rrjedhin nga funksionalitetet e Grok në BE, duke përfshirë rreziqet për ndarjen e përmbajtjes së paligjshme, siç janë imazhet e manipuluara seksualisht eksplicite dhe “përmbajtja që mund të përbëjë” materiale abuzimi seksual me fëmijë.
Hetimi është nisur sipas Aktit të Shërbimeve Dixhitale (DSA) të BE-së, një legjislacion relativisht i ri që synon të mbrojë përdoruesit e internetit nga një gamë e gjerë dëmesh, raporton Guardian.
Musk u përgjigj me “broçkulla” në një postim të komisionit ku njoftohej gjoba dhe më vonë bëri thirrje që BE-ja të shfuqizohej.
Kompanisë iu dhanë tre muaj për të paguar gjobën. Një zyrtar i BE-së tha se ishin të bindur se gjoba do të paguhej.
