Presidenti i Ukrainës, Volodymyr Zelenskyy, ka deklaruar se negociatat e zhvilluara në Emiratet e Bashkuara Arabe mbi situatën në Ukrainë trajtuan “çështje të rëndësishme”, por se “çështjet komplekse politike mbeten të pazgjidhura”.
Në një përditësim të shkurtër në rrjetet sociale, Zelenskyy foli për bisedimet trepalëshe të mbajtura gjatë fundjavës mes Ukrainës, Rusisë dhe Shteteve të Bashkuara, duke bërë të ditur se diskutimet “mbuluan një sërë çështjesh të rëndësishme – kryesisht ushtarake, thelbësore për t’i dhënë fund luftës”.
Megjithatë, presidenti ukrainas theksoi se procesi mbetet i ndërlikuar, duke shtuar se “ u diskutuan gjithashtu çështje komplekse politike që mbeten të pazgjidhura ”.
Sipas tij, përpjekjet diplomatike janë ende në vazhdim dhe kërkojnë angazhim të mëtejshëm nga të gjitha palët, shkruan Guardian.
Zelenskyy konfirmoi se raunde të reja negociatash janë tashmë në përgatitje, duke deklaruar se“ përgatitjet janë duke u zhvilluar për takimet e reja trepalëshe këtë javë”.
