Kryeministri norvegjez, Jonas Gahr Store i ka quajtur të shtunën komentet e Presidentit të SHBA-së Donald Trump në lidhje me rolin e NATO-s në Afganistan janë “mungesë respekti”.
“Të rënët, familjet e tyre dhe ata që shërbyen në Afganistan meritojnë të flitet për ta me të vërtetën dhe respektin e duhur. Deklarata e presidentit amerikan është mungesë respekti. E kuptoj plotësisht pse si veteranët ashtu edhe të afërmit e tyre po reagojnë kaq fuqishëm ndaj kësaj”, tha Store në Facebook.
Ai vuri në dukje se ushtarët që shërbyen në vend meritojnë respekt.
Komentet e Store erdhën pasi Trump tha të enjten se trupat e NATO-s qëndruan “pak larg vijave të frontit” gjatë luftës në Afganistan.
Komentet e Trump kanë shqetësuar aleatët e NATO-s, përfshirë Poloninë, Italinë dhe Mbretërinë e Bashkuar, me udhëheqësit në këto vende që i kanë quajtur komentet “të papranueshme” dhe “fyese dhe sinqerisht të tmerrshme”.
