Pas më shumë se gjysmë shekulli nga misionet Apollo, njerëzimi është pranë një momenti historik; rikthimit në Hënë.
NASA ka planifikuar nisjen e misionit Artemis II më 6 shkurt 2026, duke shënuar herën e parë që astronautët do të largohen nga orbita e ulët e Tokës pas 54 vitesh.
Gjatë një udhëtimi rreth 10-ditor, anija kozmike Orion do të transportojë katër astronautë në një orbitë rreth anës së largët të Hënës.
Ekuipazhi përbëhet nga Reid Wiseman, Victor Glover, Christina Koch dhe Jeremy Hansen, të cilët vendosin edhe rekorde historike; gruaja e parë, personi i parë me ngjyrë dhe kanadezi i parë që udhëtojnë në hapësirën e thellë.
Edhe pse misioni nuk parashikon ulje në sipërfaqen hënore, Artemis II konsiderohet një hap kyç për të ardhmen e eksplorimit hapësinor.
Ai shërben si testi final përpara misioneve të ardhshme që synojnë ulje të reja në Hënë, krijimin e një pranie afatgjatë njerëzore atje dhe përgatitjen e rrugës drejt eksplorimit të Marsit.
NASA po të jep mundësinë të bëhesh pjesë e historisë; emri yt mund të udhëtojë rreth Hënës në misionin Artemis II, fluturimi i parë me astronautë drejt Hënës pas më shumë se 50 vitesh.
Katër astronautë do të bëjnë një udhëtim 10-ditor rreth anës së errët të Hënës dhe mbi 1.5 milionë emra nga e gjithë bota do të fluturojnë bashkë me ta të gdhendur në një mikroçip brenda anijes Orion.
Si funksionon? Futesh në faqen zyrtare të NASA-s (Artemis → Send Your Name). shkruan emrin tënd (dhe një mesazh opsional) e dërgon formularin.
Merr një boarding pass digjital si kujtim. Emri yt gdhendet në një çip që udhëton rreth Hënës.
Ndërkaq, një startup hapësinor synon të ndërtojë hotelin e parë ndonjëherë në Hënë, duke e kthyer turizmin hapësinor në realitet.
Projekti parashikon përdorimin e robotëve për të shndërruar tokën hënore në materiale ndërtimi, pa transport nga Toka.
Hoteli do të ndërtohet me module të qëndrueshme ndaj kushteve ekstreme të Hënës.
Aplikimet për qëndrime tashmë kanë nisur, me depozita që shkojnë deri në 1 milion dollarë.
