Danimarka dhe Grenlanda kanë kërkuar takim me sekretarin amerikan, Marco Rubio pas shprehjes së hapur të nga administrata amerikane se kanë për qëllim marrjen e ishullit strategjik, pjesë e territorit danez.
Tensionet eskaluan pasi Shtëpia e Bardhë të martën tha se “ushtria amerikane është gjithmonë një opsion”, edhe pse një sërë udhëheqësish evropianë hodhën poshtë thirrjet e ripërtërira të Presidentit Donald Trump që SHBA-të të marrin përsipër Grenlandën, duke përmendur arsye strategjike.
Kryeministrja daneze, Mette Frederiksen paralajmëroi më parë këtë javë se një marrje e kontrollit nga SHBA-të do të përbënte fundin e aleancës ushtarake të NATO-s.
Veprimi ushtarak amerikan i kësaj fundjave në Venezuelë ka rritur frikën në të gjithë Evropën, dhe Trump dhe këshilltarët e tij ditët e fundit kanë përsëritur dëshirën e udhëheqësit amerikan për të marrë kontrollin e ishullit, i cili ruan qasjet e Arktikut dhe Atlantikut të Veriut drejt Amerikës së Veriut.
Ministri i Jashtëm danez Lars Lokke Rasmussen dhe homologia e tij e Grenlandës, Vivian Motzfeldt, kanë kërkuar takimin me Rubion në të ardhmen e afërt, sipas një deklarate të postuar të martën në faqen e internetit të qeverisë së Grenlandës.
Kërkesat e mëparshme për një takim nuk kanë qenë të suksesshme, thuhet në deklaratë.
