Ushtria izraelite në 24 orët e fundit ka zgjeruar të ashtuquajturën “vijë të verdhë” në Gazën lindore, veçanërisht në lagjet Tuffah, Shujayea dhe Zeitoun të qytetit lindor të Gazës, duke i shtyrë palestinezët nëpjesë gjithnjë e më të vogla të enklavës, ka raportuar Al Jazeera.
Veprimet e ushtrisë izraelite të hënën po e shtyjnë atë më afër zonës kyçe të rrugës Salah al-Din, duke i detyruar familjet e zhvendosura që strehohen pranë zonës të ikin, pasi gjithnjë e më shumë prej tyre janë nën kërcënim intensiv, ndërsa sulmet izraelite nuk janë ndërprerë edhe pas një armëpushimi në fuqi.
Izraeli tani zotëron fizikisht më shumë se 50 përqind të Rripit të Gazës.
Të dielën, Izraeli nisi më shumë sulme në pjesë të Gazës jashtë kontrollit të tij të drejtpërdrejtë ushtarak. Të paktën tre palestinezë u vranë në sulme të ndara izraelite në Khan Younis, thanë burime mjekësore.
Që prej hyrjes në fuqi të armëpushimit, sulmet izraelite kanë vrarë të paktën 414 palestinezë dhe kanë plagosur 1,145 të tjerë në shkeljet e përditshme të armëpushimit, pavarësisht marrëveshjes së armëpushimit të ndërmjetësuar nga Shtetet e Bashkuara më 10 tetor.
Të paktën 71,386 palestinezë janë vrarë dhe 171,264 janë plagosur që nga fillimi i luftës në tetor 2023, sipas shifrave të fundit nga Ministria e Shëndetësisë e Gazës.
