Presidenti turk Rexhep Tajip Erdogan i ka thënë të hënën Princit të Kurorës së Kuvajtit, Sheikh Sabah Khaled Al-Sabah, se përpjekjet e Izraelit për të destabilizuar rajonin po intensifikohen, duke përmendur vendimin e Tel Avivit për të njohur Somalilandin e shkëputur si shembull të këtyre veprimeve.
Anadolu ka shkruar se gjatë telefonatës, Erdogan ka theksuar se integriteti territorial i Somalisë duhet të mbështetet.
Dy udhëheqësit diskutuan gjithashtu çështje dypalëshe, rajonale dhe globale, njoftoi Drejtoria e Komunikimit e Turqisë.
Erdogan tha se Ankaraja po punon për forcimin e marrëdhënieve dypalëshe mes Turqisë dhe Kuvajtit në të gjitha fushat, duke shtuar se bashkëpunimi mes dy vendeve do të vazhdojë të thellohet.
Duke shprehur shpresën se rindërtimi i Gazës do të nisë sapo të arrihet një armëpushim i qëndrueshëm dhe paqja, Erdogan tha se bashkëpunimi mes Turqisë dhe Kuvajtit do të luajë një rol të rëndësishëm në këtë proces.
