Ministria e brendshme turke ka njoftuar të hënën se janë vrarë të paktën 6 pjesëtarë të ISIS (Daesh) në një operacion antiterrorist në provincën veriperëndimore të Yalova.
Ministri Al Yerlikaya tha se tre oficerë policie u vranë poashtu pasi që terroristët hapën zjarr ndaj tyre, shkruan Anadolu.
Operacioni kishte në shënjestër pjesëtarët e ISIS-it në Yalova dhe u krye nga forcat turke të sigurisë si pjesë e përpjekjeve të vazhdueshme kundër terrorizmit, tha ministri.
Sipas ministrit, në muajin e fundit, 138 të dyshuar u arrestuan në operacionet e kryera kundër organizatës ISIS – që është në listën e organizatave terroriste në Turqi – dhe 97 të dyshuar u ndoqën penalisht.
Më vete, Ministri turk i Drejtësisë, Yilmaz Tunc, njoftoi të hënën se pesë të dyshuar janë arrestuar dhe pesë prokurorë publikë janë caktuar për hetim.
