Njësiti i hetimeve i Stacionit Policor të Fushë-Kosovës ka arrestuar sot E.H., 21 vjeç, i dyshuar për vjedhje të rënda.
Sipas njoftimit zyrtar, rastet kanë ndodhur kryesisht në rajonin e Fushë-Kosovës, ku janë vjedhur mjete pune dhe gjësende të tjera nga tetë automjete të ndryshme.
Policia ka kryer edhe një bastisje në vendbanimin e E.H., ku janë gjetur dhe sekuestruar mjetet dhe gjësende të vjedhura, të cilat janë kthyer tek pronarët.
Personi i dyshuar, shtetas i Republikës së Kosovës, është dërguar në mbajtje për 48 orë, ndërkohë që hetuesit po vazhdojnë veprimet procedurale lidhur me rastet./teve1.info/
