Deputetët e Partisë Demokratike që shkaktuan tensione gjatë seancës së fundit plenare – përfshirë Belind Këlliçin, Fidel Kreka, Albanën Vokshin, Klevis Balliun, Flamur Nokën dhe Elda Hotin – janë pezulluar nga pjesëmarrja në Parlament për 30 ditë.
Ndërsa deputetët e tjerë kanë marrë një vërejtje nga Sekretariati i Etikës për sjelljen dhe veprimet e tyre brenda Kuvendit, shkruan RTSH.
Më parë, mbledhja e Sekretariatit të Etikës u shoqërua me debate, ku kryetari i Grupit Parlamentar të Partisë Demokratike, Gazment Bardhi, dhe deputetë të tjerë kërkuan të shihnin provat, ndërsa drejtuesi i mbledhjes, Ulsi Manja, paraqiti në ekran përplasjet e deputetëve në Kuvend.
Gazment Bardhi akuzoi qeverinë se po përjashton deputetët e opozitës pa arsye dhe kritikoi sjelljen e anëtarëve të saj gjatë debateve në Sekretariatin e Etikës.
