Ish-deputeti nga radhët e LDK-së, Armend Zemaj ka deklaruar se Lëvizja Vetëvendosje është e paaftë me krijua partneritet më një parti tjetër.
Zemaj në emisionin “Mesditë” në Tëvë1 ka theksuar se po t’i kishte LDK-ja 42% të votave, brenda tri dite do ta kishte formuar Kuvendin dhe Qeverinë e Kosovës.
Ndërkaq, ai ka kritikuar Kurtin, që sipas tij, po dëshiron një qeveri pa marrëveshje politike, siç tha ai, duke mbajtur pushtetin për 10 muaj në mënyrë jo ligjore.
“Këtu tregon që VV-ja është e paaftë me ndërtua partneritet, po t’i kishte LDK-ja 42% brenda tri dite do ta kishte Kuvendin dhe Qeverinë e re të Kosovës, Kurti ka dashtë një qeveri pa deputet dhe pa marrëveshje politike, dhe ta bëjë pushtetin ashtu siq e mbajti për 10 muaj në mënyrë jo ligjore duke e shkelur ligjin çdo ditë. Ne po flasim për një njeri që funksionin me dy standarde sipas interes të vet ditor politik, kërkesa jonë për me e udhëheq Kosovën është me vizion, është me program, tematike, zhvillimore, ne nuk merremi me politika ditore”, ka deklaruar Zemaj./teve1.info/
