Nëntë persona kanë vdekur dhe të paktën 10 të tjerë janë plagosur pasi një grup personash të armatosur kryen të shtëna në një pub në Afrikën e Jugut gjatë orëve të para të së dielës, thanë autoritetet.
Incidenti ndodhi pak para orës 1 të mëngjesit në qytezën Bekkersdal, e cila ndodhet 46 kilometra në perëndim të Johanesburgut. Kjo është të shtënat e dyta masive që ndodhin në Afrikën e Jugut brenda tre javësh.
Rreth 12 të dyshuar të panjohur në një minibus të bardhë dhe një sedan argjendi hapën zjarr ndaj klientëve të lokalit në tavernën KwaNoxolo, në lagjen Tambo të Bekkersdal dhe vazhduan të qëllonin rastësisht ndërsa ikën nga vendi i ngjarjes, sipas policisë, transmeton Associated Press.
“Disa viktima u qëlluan rastësisht në rrugë nga persona të armatosur të panjohur”, tha policia për incidentin që la nëntë persona të vdekur dhe 10 të shtruar në spital.
Një kërkim për të dyshuarit në ngjarjen e shumëfishtë me armë zjarri është nisur nga Hetimet e Krimeve të Rënda dhe të Dhunshme të Gauteng në bashkëpunim me Njësinë e Gjurmimit të Zbulimit të Krimit.
