Qeveria amerikane ka pranuar se mban një pjesë të përgjegjësisë për përplasjen në mes të një helikopteri dhe aeroplani janarin e kaluar në Uashington.
Ajo tha se veprimet e një kontrollori të trafikut ajror dhe një piloti helikopteri të ushtrisë luajtën një rol në shkaktimin e një përplasjeje janarin e kaluar midis një aeroplani dhe një Black Haëk pranë kryeqytetit të vendit.
Përgjigja zyrtare ndaj një padie të bërë nga familja e njërit nga viktimat tha se qeveria është përgjegjëse për rrëzimin pjesërisht sepse kontrollori i trafikut ajror shkeli procedurat e ndarjes vizuale atë natë.
Padia tha poashtu se, “dështimi i pilotëve të helikopterëve të Ushtrisë për të ruajtur vigjilencën në mënyrë që të shihnin dhe shmangnin” avionin e linjës ajrore e bën qeverinë përgjegjëse.
Robert Clifford, një nga avokatët e familjes së viktimës Casey Crafton, tha se qeveria pranoi “përgjegjësinë e Ushtrisë për humbjen e panevojshme të jetëve” dhe dështimin e FAA-së për të ndjekur procedurat e kontrollit të trafikut ajror, ndërsa pranoi “me të drejtë” se të tjerët – American Airlines dhe PSA Airlines – gjithashtu kontribuan në vdekje.
Avokatët e qeverisë thanë në padi se “Shtetet e Bashkuara pranojnë se kishin një detyrim kujdesi ndaj paditësve, të cilin e shkelën, duke shkaktuar kështu aksidentin tragjik”.
Përplasja ishte tragjedia më vdekjeprurëse e avionit në tokën amerikane në më shumë se dy dekada, ku mbetën të vdekur të paktën 67 persona./teve1
