Të enjten (sot) nga ora 18:00 është premiera e filmit dokumentar që i kushtohet të ndjerit Izet Gjinovcit, kontribuesit të madh të hendbollit dhe sportit kosovar.
Premiera shfaqet në Kino ABC në Prishtinë. Producent i filmit “Izi – Ëndrra vazhdon”, është Orhan Kerkezi.
Për jetën dhe veprën e tij kanë folur personalitete të shumta të hendbollit dhe sportit kosovar.
Gjinovci ishte për shumë dekada pjesë e rëndësishme e hendbollit kosovar. Prej vitit 2002 e deri kur ndërroi jetë, më 5 gusht 2024, ishte sekretar i përgjithshëm i Federatës së Hendbollit të Kosovës.
Dokumentari shfaqet nën patronatin e MKRS-së.
