E ardhmja e Robert Lewandowskit te Barcelona mbetet e paqartë, ndërsa interesi për të po shtohet. Sipas BBC, një klub i MLS ka nisur kontaktet me sulmuesin polak.
Kontrata aktuale e Lewandowskit me Barcelonën është e vlefshme deri më 30 qershor 2026. Deri tani nuk ka sinjale zyrtare nëse do t’i ofrohet rinovim apo do të largohet si lojtar i lirë.
Mediat spanjolle raportojnë se 37-vjeçari dëshiron të qëndrojë te Barcelona, madje duke pranuar edhe ulje page. Vendimi përfundimtar pritet të varet nga trajneri Hansi Flick dhe drejtuesit e klubit.
Ndërkohë, Chicago Fire ka shfaqur interes konkret për transferimin e tij në MLS. Prioritet për lojtarin mbetet Barcelona, por në skenë janë edhe opsione të tjera, përfshirë Arabinë Saudite dhe Inter Miami.
