Ministri në detyrë në Ministrinë e Kulturës, Rinisë dhe Sportit të Kosovës, Hajrulla Çeku, ka publikuar disa foto, duke thënë se po përmirësohet infrastruktura e futbollit.
Ai ka paraqitu disa foto në Bërnicë ku shihet se po bëhet një punë e madhe.
“Po përmirësohet infrastruktura e futbollit në gjithë vendin.
Punimet e fazës së dytë në kompleksin stërvitor të FC Prishtina në Bërnicë po vazhdojnë.
Pas përfundimit të hapësirave të klubit dhe fushës stërvitore, tash po punohet në infrastrukturën dhe sistemet e stadiumit ndihmës.
Ky investim për të cilin kemi ndarë 1.6 milion euro, do t’i mundësojë klubit kushte më të mira për stërvitje, zhvillim të talentit dhe organizim të rregullt të aktiviteteve sportive. Infrastruktura funksionale krijon stabilitet, rrit cilësinë e punës dhe krijon mundësi më të mëdha për sportistët e rinj të Prishtinës”, ka njoftuar Çeku.
