Pas tri humbjeve rresht në Superligën e Kosovës në basketboll, skuadra e Bashkimit kërkon të kthehet te fitorja në kuadër të xhiros së 11-të.
Këtë herë Bashkimi do të jetë mysafir i skuadrës së Sigal Prishtinës, e cila u kthye te fitorja në xhiron e shkuar.
Kjo ndeshje zhvillohet në Pallatin e Rinisë dhe Sportit në kryeqytet, ndërsa starton prej orës 19:00.
Ndërkohë, ndeshja tjetër me të cilën mbyllet kjo xhiro është ajo ndërmjet Rahoveci 029 dhe Pejës, e cila nis në orën 19:30 në palestrën “Mizahir Isma”.
Si Rahoveci 029 ashtu edhe Peja, janë skuadra që pësuan humbje xhiron e shkuar dhe këtë herë synojnë kthimin te fitorja.
