Nedim Bajrami po kalon një problem muskulor. Trajneri i Glasgow Rangers, Dani Rohl ka folur për futbollistin e Kombëtares, duke lënë të nënkuptuar se dëmtimi është më serioz se dukej në fillim.
Rohl në fjalët e tij tregon se dëmtimi aktualisht duket më serioz se pritej. Nga vizitat mjekësore ndërkohë është treguar vetëm një problem muskulor.
“Ndoshta nuk është serioz, por për momentin duket më shumë serioz se prisnim”, u shpreh trajneri i Rangers.
Mbetet për t’u parë se sa gjatë do të mungojë Bajrami, pasi në Skoci e tregojnë diçka më serioze se ajo që kishin frikë në fillim. Vetëm së fundmi e kishte fituar vendin e titullarit, për këtë pushimi vjen në momentin më të papërshtatshëm.
