Futbollistët e Vushtrrisë sot kanë vizituar varrin e Erjon Morinës, i cili vdiq aksidentalisht një vit më parë.
Në njëvjetorin e ndarjes nga jeta të futbollistit Erjon Morina, klubi i futbollit “Vushtrria” mori pjesë në akademinë përkujtimore kushtuar kujtimit të tij.
Përfaqësues të klubit, së bashku me të gjithë lojtarët, nderuan veprën dhe kujtimin e Erjon Morinës me praninë e tyre, duke shprehur mirënjohje për gjithçka ai ka dhënë për futbollin dhe komunitetin.
“Erjoni do të mbetet gjithmonë pjesë e historisë dhe zemrës së klubit tonë. Kujtimi për të mbetet i paharruar dhe vazhdon të na frymëzojë”, shkruhet në faqen zyrtare të klubit.
