Kanë përfunduar pjesët e para të dy ndeshjeve të fundit të xhiros së 16-të në Superligën e Kosovës në futboll.
Në të dyja ndeshjet, rezultati është i njëjtë pas 45 minutave të para, pra 0:0.
Si në Gjilan ashtu edhe në Prishtinë, asnjëra prej skuadrave nuk kanë arritur të shënojnë për të zhbllokuar rezultatin.
Gjilani edhe pse ka një lojtar më shumë në fushë se Llapi, nuk ka arritur të shënoj ndaj skuadrës së Tahir Batatinës.
Në minutat e para të ndeshjes, Llapi mbeti pa kapitenin Axel Gnapi që u përjashtua me karton të kuq kurse 45 minutat e para të këtij takimi u mbyllën pa gola.
Pa gola përfundoi edhe pjesa e parë ndërmjet Prishtinës dhe Ferizajt, ndeshje kjo që po luhet në stadiumin “Fadil Vokrri” në kryeqytet.
Me këto dy takime, përfundon kjo xhiro e Superligës, e cila nisi të shtunën, ditë kjo që u luajtën tri ndeshje.
