Presidentja e Kosovës, Justina Shiroka-Pula ka marrë një mesazh urimi nga Mbreti i Mbretërsisë së Bashkuar, Charles III, me rastin e zgjedhjes së saj në detyrë.
Në mesazhin e tij, Mbreti Charles III, së bashku me bashkëshorten, i përcolli Presidentes Shiroka-Pula urimet e sinqerta, duke theksuar miqësinë e afërt dhe të qëndrueshme ndërmjet Mbretërisë së Bashkuar dhe Kosovës.
“Mbreti rikujtoi vizitën e tij të parë në Kosovë në vitin 1999, menjëherë pas përfundimit të luftës, si dhe vizitën e vitit 2016, kur së bashku me bashkëshorten vizitoi një ekspozitë me veprat e babait të ndjerë të Presidentes Shiroka Pula në Prizren”, thuhet në njoftimin e Presidencës.
Mbreti Charles III theksoi se Mbretëria e Bashkuar dhe Kosova do të vazhdojnë të punojnë së bashku në mbështetje të sigurisë dhe stabilitetit në Evropë.
“Mbreti Charles III shprehu dëshirën që gjatë mandatit të Presidentes Shiroka Pula të thellohen më tej lidhjet ndërmjet dy vendeve, duke përcjellë urimet më të mira për Presidenten dhe popullin e Kosovës”, thuhet tutje në njoftim./teve1.info/
