Rusia nisi një valë sulmesh në kryeqytetin e Ukrainës, Kiev, gjatë natës, ku mbetën të vrarë të paktën 6 njerëz.
Sulmi goditi ndërtesa në qytet dhe infrastrukturën energjetike.
Ndërkohë, një sulm ukrainas në Rusinë jugore vrau tre njerëz dhe dëmtoi shtëpitë, thanë autoritetet.
Sulmet e ndërsjella vinë në një kohë kur kanë rinisur bisedimet për një plan amerikan për t’i dhënë fund luftës gati 4 vjeqare.
Sekretari i Ushtrisë Dan Driscoll u takua me zyrtarë rusë për disa orë në Abu Dhabi të martën, tha një zyrtar amerikan për Associated Press.
Driscoll, i cili u bë pjesë e ekipit negociator të SHBA-së më pak se dy javë më parë, po drejton fazën e fundit të bisedimeve që përfshijnë kushtet e një zgjidhjeje të mundshme paqeje me Rusinë.
Zyrtari amerikan, i cili foli në kushte anonimiteti për të diskutuar negociatat delikate, nuk pranoi të jepte detaje se sa do të zgjasnin negociatat ose cilat tema po diskutoheshin, por vuri në dukje se ukrainasit ishin në dijeni të takimit dhe të gjitha palët kanë treguar se donin të arrinin një marrëveshje për të ndaluar luftimet sa më shpejt të ishte e mundur.
