Mëngjesin e së hënës, në fshatin Gadime të Lipjanit një burrë ka sulmuar ish-gruan e tij me sëpatë.
Zëdhënësja e Policisë për rajonin e Prishtinës, Flora Ahmeti, ka konfirmuar lajmin për tëvë1.info, duke bërë të ditur se rasti është iniciuar si vrasje në tentativë.
“Sot në stacionin policor të Lipjanit, është iniciuar një rast vrasje në tentativë. Hetuesit policor, në koordinim me prokurorinë, kanë nisur veprimet hetimore dhe procedurale, ndërkohë që personi i lënduar (femra) është dërguar për tretman mjekësor”, ka njoftuar Ahmeti.
Sipas saj, personi i dyshuar për sulmin është identifikuar dhe aktualisht është në kërkim nga policia.
“Lidhur me rastin është identifikuar personi i dyshuar i cili është në kërkim nga ana e policisë”, ka shtuar ajo./teve1.info./
