Një person është arrestuar mbrëmjen e së shtunës në Kllokot, pas një incidenti të rëndë të dhunës në familje.
Sipas raportit 24-orësh të Policisë, pas një mosmarrëveshjeje verbale, i dyshuari ka sulmuar fizikisht viktimën.
Si pasojë, viktima ka pësuar lëndime trupore dhe është dërguar menjëherë për trajtim mjekësor.
Njësitë relevante policore kanë dalë në vendngjarje dhe kanë nisur hetimet për rrethanat e incidentit.
Me vendim të prokurorit, i dyshuari është dërguar në mbajtje, ndërsa rasti po trajtohet si dhunë në familje dhe vrasje në tentativë.
“Është arrestuar i dyshuari mashkull kosovar për shkak se pas një mosmarrëveshjeje verbale e kishte goditë viktimën mashkull kosovar. Si pasojë viktima ka pësuar lëndime dhe është dërguar për tretman mjekësor. Njësitë relevante policore kanë dalë në vendin e ngjarjes dhe janë duke e hetuar rastin, ndërsa i dyshuari me vendim të prokurorit është dërguar në mbajtje”, thuhet në raportin 24 orësh te Policisë.
